Nýjast á Local Suðurnes

Gestafjöldi á Safnahelgi tvöfaldaðist – Vilja stækka markhópinn

Safnahelgi á Suðurnesjum var haldin í níunda sinn um liðna helgi og þótti takast með eindæmum vel. Fjöldi fólks lagði leið sína um söfn og sýningar í öllum bæjarfélögunum fimm og gestatölur benda til að fjöldinn hafi tvöfaldast frá í fyrra þegar rúmlega fjögur þúsund manns nýttu sér boðið.Gestir sem heimsóttu söfnin í Reykjanesbæ voru 4086 talsins og þá eru ótaldir gestir í Garði, Grindavík, Sandgerði og Vogum.

Safnahelgin er sameiginlegt verkefni sveitarfélaganna fimm á Suðurnesjum og er liður í menningaferðaþjónustu svæðisins. Markhópurinn hefur til þessa fyrst og fremst verið heimafólk og íbúar höfuðborgarsvæðisins en spurning hvort kominn sé tími til að útvíkka þetta með tilliti til þeirra vinsælda sem verkefnið nýtur, segir í tilkynningu.