Nýjast á Local Suðurnes

Sundmiðstöðin í Reykjanesbæ opin – Farið verður að tilmælum almannavarna um fjöldatakmarkanir

Sundmiðstöðin í Reykjanesbæ verður opin í samgöngubanni. Eimbað, kaldur pottur og rennibraut verður þó lokað og sundleikfimi eldri borgara verður felld niður.

Farið verður að tilmælum almannavarna um fjöldatakmarkanir en fækka þarf skápum sem eru í notkun vegna fjarlægðarreglna.

Aukin þrif verða í Sundmiðstöðinni,starfsfólk laugarinnar mun spritta og þrífa snertifleti reglulega, borð, skápa, sápuskammtar og salerni og þess háttar. Þá verða gestir beðnir að passa upp á fjarlægðartilmæli sóttvarnarlæknis um tveggja metra bil sín á milli í búningsklefum, sturtum og pottum.

Ákvarðanir varðandi opnun sundlaugarinar verða endurskoðaðar eftir því sem fram líður og metnar eftir því hvernig til tekst út frá sóttvarnarsjónarmiðum.