Suðurnesjamenn áttu sviðið í pílukasti um helgina
![FB_IMG_1694090988181](https://i0.wp.com/www.sudurnes.net/wp-content/uploads/2023/09/FB_IMG_1694090988181.jpg?resize=620%2C264)
Suðurnesjamenn áttu sviðið þegar 5. umferð ÍPS deildarinnar í pílukasti fór fram á Bullseye um helgina. Hörður Guðjónsson, Pílufélagi Grindavíkur (PG) vann Gulldeildina. Félagar í PG enduðu í fjórum af fimm efstu sætunum, en þeir Matthías Örn, Alexander Veigar og Pétur Rúðrik lentu í sætum 3-5.
Arngrímur Anton Ólafsson, Pílufélagi Reykjanesbæjar (PR) sigraði í Silfurdeild og tryggði sér þannig sæti í Gulldeildinnni í næstu umferð. Björn Steinar Brynjólfsson (PG) endaði í fjórða sæti Silfurdeildar og Árni Ágúst Daníelsson í því fimmta.