Skerðing hefur umtalsverð áhrif á sveitarfélögin á Suðurnesjum
Stjórn Sambands sveitarfélaga á Suðurnesjum (S.S.S.) tekur undir bókun Sambands íslenskra sveitarfélag vegna áforma ríkisstjórnarinnar sem kynnt hefur verið fyrir forystu sambandsins um að skerða tekjur jöfnunarsjóðs.
Í samantekt Sigurðar Á. Snævarr, sviðsstjóra hag- og upplýsingasviðs Sambands íslenskra sveitarfélaga má sjá að gangi áætlunin eftir mun það hafa umtalsverð áhrif á sveitarfélögin á Suðurnesjum.
Sveitarfélag Íbúafjöldi Framlög 2019 2020 2021 Bæði árin
Reykjanesbær 18.508 829,2 -49,5 -87,7 -137,2
Grindavíkurbær 3.398 428,5 -25,6 -45,3 -70,9
Sveitarfélagið Vogar 1.282 164,6 -9,8 -17,4 -27,2
Suðurnesjabær 3.486 418 -25 -44,2 -69,2
Suðurnes 26.674 1.840,3 -109,9 -194,7 -304,6
Á stjórnarfundi sem haldinn var þann 18. mars síðastliðinn kom fram að stjórn S.S.S. harmi þessi vinnubrögð og hvetur til þess að ríkisvaldið taki upp viðræður við Samband íslenskra sveitarfélaga til vinna að ásættanlegri lausn.