Selja 45% hlut í Airport Associates
![Airport associates](https://i1.wp.com/www.sudurnes.net/wp-content/uploads/2019/03/Untitled-design-15.png?resize=620%2C264)
Horn IV, framtakssjóður í rekstri Landsbréfa, hefur samið um kaup á 45% hlut í REA ehf. sem á íslensku flugafgreiðslufyrirtækin Airport Associates og SouthAir. Með kaupunum verður Horn IV stærsti einstaki hluthafi félagsins. Kaupin eru gerð með fyrirvara um samþykki Samkeppniseftirlitsins, að því er kemur fram í tilkynningu á heimasíðu Landsbréfa.
Frá þessu er greint á vef Viðskiptablaðsins, en þar kemur fram að Airport Associates, sem rekur almenna flugafgreiðsluþjónustu fyrir flugfélög á Keflavíkurflugvelli, hafi hagnast um 258 milljónir árið 2022 samanborið við 82 milljónir árið áður. Tekjur félagsins meira en tvöfölduðust á milli ára og námu 4 milljörðum.