Samkaup og Heimkaup sameinast

Verslun Nettó við Krossmóa

Samkaup og Heimkaup hafa skrifað undir samkomulag um sameiningu félaganna, með fyrirvara um samþykki Samkeppniseftirlitsins og hluthafafund beggja félaga. Þetta kemur fram í tilkynningu frá SKEL hf.

Með sameiningunni verða verslanir undir merkjum 10-11, Prís, Extra auk þriggja þægindaverslana sem reknar eru á þjónustustöðvum Orkunnar, falla undir rekstur Samkaupa. Orkan, Lyfjaval og Löður, sem eru í eigu Skeljar falla ekki undir sameininguna.

SKEL fjárfestingafélag hf. og Samkaup höfðu átt í viðræðum um sameiningu en þeím viðræðunum var slitið í lok október. Viðræður um sameiningu rekstrareininga á matvælamarkaði hófust í kjölfarið en talið er að umtalsverð samlegð geti verið í rekstri fyrirækjanna.

Hluthafar Heimkaupa fá greitt, eftir sameiningu, með hlutafé í Samkaupum og eignast rúmlega 10% hlutafjár í Samkaupum.

Gert er ráð fyrir skráningu félagsins á hlutabréfamarkað, segir í tilkynningu.