Norðurheimskautadeild bandaríska sjóhersins mun hafa aðsetur í Keflavík

USCGC Polar Star mun koma við í Helguvík seinni partinn í dag

Allt bendir til að starfsemi Bandaríkjahers muni verða mun umfangsmeiri hér á landi en ráð er fyrir gert, en auk flughersins mun standa til að norðurheimskautsdeild sjóhersins muni hafa aðsetur á Íslandi. Viðræður vegna þessa eru í gangi á milli fulltrúa bandaríska og íslenskra yfirvalda, bandaríska utanríkisráðuneytið staðfesti þetta í svari við fyrirspurn Local Suðurnes, rétt er að taka fram að ekki hefur náðst samband við utanríkisráherra Íslands og ráðuneytið hefur ekki staðfest þetta þrátt fyrir ítrekaðar fyrirspurnir.

Norðurheimskautsdeild hersins sér, eins og nafnið gefur til kynna, um að gæta öryggis og hagsmuna bandaríkjamanna á norðurhveli jarðar. Miklar pólitískar deilur standa nú yfir á milli nokkura þjóða um yfirráð yfir þeim heimshluta, en Danmörk, Kína og Rússland eru á meðal þeirra þjóða sem telja sig hafa yfiráðarétt yfir svæðinu og þar með nýtingu þeirra auðlinda sem þar er að finna – Rannsóknir síðustu ára sýna að mikið magn olíu og málma leynist undir ísnum og því til mikils að vinna fyrir þá þjóð sem fær nýtingarréttinn.

Bandaríski flugherinn mun hafa aðstöðu á Keflavíkurflugvelli og sjóherinn mögulega í Helguvík

Í svari bandaríska utanríkisráðuneytisins til Local Suðurnes kemur fram að til standi að einn af 11 ísbrjótum bandaríska hersins muni hafa viðveru á Íslandi í 5-8 mánuði á ári, annað hvort á Akureyri eða í Reykjanesbæ, síðari kosturinn telst væntanlega betri í ljósi veru flughersins hér á landi.

Davíð Páll Viðarsson, stjórnarformaður Reykjaneshafnar sagðist hafa heyrt af áhuga sjóhersins og fagnar komu þeirra til Helguvíkur.

“Höfnin hefur verið að leita leiða til að auka tekjur og gera upp skuldir, við höfum heyrt af þessum áhuga og vonum að þeir endi hjá okkur. Svona starfsemi skilar tugum ef ekki hundruðum milljóna í tekjur til hafnarinnar árlega.” Sagði Davíð Páll

Þá kemur fram í svarinu að stærsti ísbrjótur bandaríska hersisns, USCGC Polar Star sé við strendur Íslands um þessar mundir og muni meðal annars koma við á Akureyri á næstu dögum og í Helguvík í Reykjanesbæ í dag, þar sem aðstæður verði kannaðar. Búist er við að ísbrjóturinn verði í Helguvík um klukkan 17 í dag, í svari utanríksráðuneytisins bandaríska kemur fram að ekki verði mögulegt að hleypa fólki um borð til að skoða skipið en áhugasömum er velkomið að skoða það að utan og ræða við áhöfn þess, en um er að ræða eitt stærsta skip sem hingað hefur komið.

Uppfært 1. apríl kl. 23.57: Þessi frétt er aprílgabb ársins og uppspuni frá rótum