Mikið tjón í eldsvoða
Enginn var inni í byggingu sem kviknaði í á gatnamótum Víkurbrautar og Hrannargötu í Keflavík í dag og engin slys urðu á fólki. Eignatjón var hinsvegar mikið.
Það voru bílar, fellihýsi, tjaldvagnar og búslóðir í húsnæðinu, að sögn slökkviliðsstjóra Brunavarna Suðurnesja við mbl.is. Hann gerir ráð fyrir því að þetta sé verulega mikið tjón. Hann segir jafnframt að byggingin hafi verið byggð í nokkrum hlutum og eldurinn hafi verið í elsta hluta hennar.