Hollur Suðurnesjaskyndibiti á Secret Solstice
![solstice_2019](https://i1.wp.com/www.sudurnes.net/wp-content/uploads/2019/06/solstice_2019.jpg?resize=620%2C264)
Fiskur og franskar og humarlokur, -salat og -súpa mun án efa fylla maga svangra gesta Secret Solstice tónhátíðarinnar sem haldin verður um næstu helgi í Laugardal í Reykjavík, en Suðurnesjafisksalarnir hjá Lobster hut og Issi Fish&Chips verða á meðal þeirra sem sjá um veitingar á svæðinu.
Báðir veitingavagnarnir notast við besta hráefni sem völ er á við framleiðslu sína á flottum skyndibita og báðir vinna allt sitt hráefni frá grunni. Þá eru bæði Lobster Hut og Issi Fish&Chips afar vel liðnir á samfélagsmiðlunum og fá báðir hæstu einkunn eða 5 stjörnur frá flestum af þeim hundruðum sem veitt hafa stöðunum umsagnir á miðlunum.