Kjálkabrotinn og með opið beinbrot eftir alvarlega líkamsárás í Reykjanesbæ
![logreglustod keflavik](https://i2.wp.com/www.sudurnes.net/wp-content/uploads/2015/08/logreglustod-keflavik.jpg?resize=620%2C264)
Lögreglan á Suðurnesjum rannsakar nú alvarlega líkamsárás sem átti sér stað í Reykjanesbæ í vikunni. Talið er að þrír piltar á aldrinum sautján til átján ára hafi lokkað jafnaldra sinn upp í bifreið og síðan gengið í skrokk á honum.
Það er vefmiðillinn Stundin sem greinir frá, en þar segir að pilturinn sem ráðist var á dvelji á Landspítalanum og sé tvíkjálkabrotinn, með opið beinbrot, brotna tönn og stóran skurð í vör en hann gekkst undir aðgerð í gær vegna áverka sinna.