Góð summa í kassann frá ökumanni á fleygiferð
![hradi hradamaelir](https://i2.wp.com/www.sudurnes.net/wp-content/uploads/2016/04/speedometer-653246_1280.jpg?resize=620%2C264)
Ökumaður sem lögreglan á Suðurnesjum hafði afskipti af í vikunni vegna hraðaksturs mældist á 149 km hraða þar sem hámarkshraði er 90 km á klukkustund. Hans bíður sekt að upphæð 210 þúsund krónur svo og svipting ökuleyfis í mánuð.
Nokkrir ökumenn til viðbótar voru kærðir fyrir hraðaakstur og fáeinir voru staðnir að því að virða ekki stöðvunarskyldu eða tala í síma án handfrjáls búnaðar.