Nýjast á Local Suðurnes

Mældist á 149 kílómetra hraða – Svipting og 210 þúsund króna sekt

Mynd: Lögreglan á Suðurnesjum

Tæplega þrjátíu ökumenn hafa verið kærðir fyrir of hraðan akstur á undanförnum dögum í umdæmi lögreglunnar á Suðurnesjum. Sá sem hraðast ók mældist á 149 km hraða á Sandgerðisvegi þar sem hámarkshraði er 90 km á klukkustund. Ökumannsins bíður 210 þúsunda króna sekt, svipting ökuleyfis í einn mánuð og þrír refsipunktar í ökuferilsskrá.

Annar ökumaður sem einnig var staðinn að hraðakstri var með of marga farþega í bifreiðinni og var því kærður fyrir það brot líka.

Þá voru fáeinir teknir úr umferð vegna gruns um ölvunar- eða fíkniefnaakstur og skráningarnúmer fjarlægð af nokkrum bifreiðum sem voru ótryggðar eða óskoðaðar.