Fyrsti Suðurnesjabjórinn kominn í sölu

Skemmtistaðurinn Paddy’s við Hafnargötu í Reykjanesbæ hefur tekið fyrsta bjórinn sem bruggaður er á Suðurnesjum í sölu.

Bjórinn sem framleiddur er af Litla brugghúsinu í Garði er svokallaður Session IPA og er styrkleikinn 5,6%. Bjórinn er með fersku citra og mosaic humlabragði og ber nafnið Keilir.

Litla brugghúsið var stofnað í maí á þessu ári og er Keilir fyrsta afurð brugghússins.