Fengu viðurkenningu fyrir aðstöðu fyrir reiðhjólafólk

Isavia fékk á föstudag afhenta Hjólaskálina 2017, en verðlaunin eru veitt fyrirtækjum sem skara framúr í aðstöðu fyrir hjólafólk.

Verðlaunin voru veitt fyrir hjólreiðaaðstöðu á Keflavíkurflugvelli sem kölluð er Bike Pit sem og fyrir hjólastíg frá flugvellinum og inn í Reykjanesbæ. Guðni Th. Jóhannesson forseti Íslands afhenti nafna sínum Guðna Sigurðssyni upplýsingafulltrúa Isavia viðurkenninguna.