Erlendur ferðamaður á hraðferð fékk 130.000 króna sekt
![logreglan sekt](https://i2.wp.com/www.sudurnes.net/wp-content/uploads/2016/08/logreglan-sekt.png?resize=620%2C264)
Rúmlega tuttugu ökumenn voru kærðir í vikunni fyrir of hraðan akstur í umdæmi lögreglunnar á Suðurnesjum. Sá sem hraðast ók reyndist vera erlendur ferðamaður og mældist bifreið hans á 155 kílómetra hraða á Reykljanesbraut þar sem hámarkshraði er 90 km. á klukkustund. Hann mátti reiða fram 130 þúsund krónur í sekt fyrir hraðaksturinn.
Þá voru tveir ökumenn réttindalausir og allnokkrir staðnir að því að leggja bifreiðum sínum ólöglega í umdæminu, segir í tilkynningu frá lögreglunni.