Dýrum tækjabúnaði stolið úr bílaleigubílum
Dýrum tækjabúnaði hefur verið stolið úr bílaleigubílum á Suðurnesjum að undanförnu, svo sem myndavélum í framrúðu, vélartölvum, útvörpum og miðstöðvum.
Þetta kemur fram í tilkynningu frá lögreglu, en þar segir að einnig séu dæmi um að ljósabúnaður hafi verið fjarlægður af þeim. Nú síðast um helgina var öllum fjórum hjólbörðunum stolið undan bílaleigubíl.
Lögregla vill beina þeim tilmælum til forráðamanna bílaleiga að ganga vel og tryggilega frá bifreiðum sem eigu eða umsjá þeirra og geyma þær ekki á fáförnum stöðum.