Bílvelta á Reykjanesbraut – Sofnaði undir stýri
![logreglan bill](https://i2.wp.com/www.sudurnes.net/wp-content/uploads/2015/08/logreglan-bill1.jpg?resize=620%2C264)
Ökumaður velti um helgina bifreið sinni þegar hann sofnaði undir stýri, að eigin sögn. Óhappið varð á Reykjanesbraut vestan við Grindavíkurveg.
Í tilkynningu frá lögreglunni á Suðurnesjum kemur fram að ökumaðurinn hafi verið einn í bifreiðinni og var hann fluttur með sjúkrabifreið á Heilbrigðisstofnun Suðurnesja. Hann reyndist ómeiddur en talsvert lerkaður eftir veltuna. Bifreiðin var mikið skemmd og þurfti dráttarbifreið til að fjarlægja hana af vettvangi.