Nýjast á Local Suðurnes

Bátalíkön Gríms á veraldarvefinn

Þessar vikurnar stendur yfir vinna við uppsetningu á nýrri sýningu á bátalíkönunum Gríms Karlssonar og var tækifærið notað til að mynda hvert og eitt módel og byggja upp vef um bátaflotann sem telur um 140 líkön.

Vefurinn hefur nú verið opnaður á vefsvæði Byggðasafnsins og gefst áhugasömum kostur á að skoða þau bátslíkön sem Grímur smíðaði og eru í eigu Byggðasafnsins. Hverju líkani fylgir saga bátsins með vönduðum myndum af hverju módeli.

 Grímur smíðaði þó talsvert fleiri módel en hér gefur að líta, bátslíkön sem eru í eigu annarra safna, fyrirtækja og einstaklinga. Byggðasafnið óskar því eftir upplýsingum og myndum af bátalíkönum sem eru í eigu annarra með það að markmiði að í framtíðinni verði hægt að sjá hér heildaryfirlit yfir allan bátaflota Gríms Karlssonar.