Nýjast á Local Suðurnes

Árni Árna og Icehot1 ætla að eyða helginni saman

Rannsókn sýnir að gagnkynhneigðir karlar eru í mikilli hættu þegar konan er ofan í ástarleikjum. Já þyngd konunnar liggur miklum þunga á getnaðarlimnum og karlinn hefur enga stórn á aðstæðum. Fjöldi karla leita sér læknisaðstoðar með áverka á limnum og samkvæmt rannsókninni er þessi stelling hættuleg. Trúboðsstellingin er víst sú besta fyrir karlmanninn sem hefur þá stjórnina í sínum höndum. Þessi frétt vikunnar vakti athygli mína og vakti upp spurningar hvernig meiðsli þetta eru og velti fyrir mér hvort rannsakað var hvort þeir sem leituðu sér hjálpar hefðu verið í bólinu með stórum konum ? Þetta minnir óneitanlega á burðarþols stóla í Húsgagnahöllinni sem ég tók fyrir á dögunum. Er ekki hægt að reikna út þá þyngdartakmörkun lima ? Er eitthvað að því vigta þær áður en fjörið hefst bara til að sjá hvaða stelling er örugg svo ekki hljóti skaði af.

Árni Árna

Árni Árna

Nú er komið á markað nýtt krem. Þetta krem á að draga saman, ekki samt kviðfitu eða veita stinnari brjóst eða stífari rassa, nei kremið færir dömurnar aftur í upprunalega ástandið sem þær voru í þegar þær voru 18 ára. Kremið heitir „18 Again Vaginal Shrink Cream“ og mun þrengja þær þarna niðri. Margar skutlurnar hafa misst sig í kremunum og eru appelsínugular og hrukkóttar eins og gamalt leðurveski, ég vona svo innilega að engin missi sig þessu kremi, það gæti bara gróið fyrir göng gleðinnar.

Er byrjaður að pakka, nú skal flutt á Vopnafjörð. Ég veit að stelpurnar á leikskólanum eru algjör gull, enda lesa þær föstudagspistilinn og ekki nóg með það, þá er bara allt fullt af gulli í sveitinni. Vígalegir Suðurnesjafeðgar hafa fengið leyfi fyrir gullgrefri í firðinum fagra og halda austur með skóflurnar. Það er ekki hægt að missa af þessu gullæði og vona að stelpurnar á leikskólanum geti orðið mér úti um herbergi á leigu og kannski boðið þreyttum gullgrafara í kvöldmat svona við og við. Hver nennir að bora eftir olíu langt út á hafi þegar gullið liggur óhreyft í iðrum jarðar á Vopnafirði.

Heyrt á göngum Alþingis:
Hvar er húfan mín? Hvar er hempan mín?
Hvar er falska, gamla, fjögra gata flautan mín?
Hvar er úrið mitt? Hvar er þetta og hitt?
Hvar er bláa skyrtan, trefilinn og beltið mitt?
Ég er viss um að það var hér allt í gær.

Björgvin Sigurðsson hefur tekið sæti á Alþingi í stað Oddnýjar Harðardóttur sem er að störfum í Bandaríkjunum.Björgvin mun beita sér fyrir lagasetningu þess efnis að sveitar- og bæjarstjórum sé heimilt að búa til sjálfir gjaldalykla til að greiða sjálfum sér fyrirfram greidd laun.

Félagsmálaráðherra kynnti í vikunni aðgerðir í húsnæðismarkaðnum. Þar leggur hún til að breyta byggingareglugerðum sem er löngu tímabært og þá vill hún koma á hugmyndasamkeppni um hagkvæmar húsnæðislausnir. Meira var það ekki og sorglega við þetta er að deginum á undan vann Ikea þessa hugmyndasamkeppni og var einu skrefi á undan ráðherranum. Víða á norðurlöndunum hafa risið fjölbýlishús frá Ikea og hafa þessi hús fengið góða dóma. Eftir hverju erum við að bíða ? Ungt fólk í dag á engin tök á því að kaupa sér húsnæði án þess að stóla á að foreldrar liggi á milljónum til að hjálpa við útborgun. Þá má ekki gleyma, frú ráðherra að það þarf líka að breyta greiðslumats-fyrirkomulaginu. Fjöldi ungra barnafjölskyldna er að greiða 220 -300 þúsund í leigu á mánuð en fá ekki greiðslumat fyrir afborgunum upp á 180 -200 þúsund. Það er ekki nóg að opna hugmyndabanka, það þarf að framkvæma líka, breyta og bæta í kerfinu til að liðka fyrir, annars endum við bara öll í Ikea – hjólhýsahverfi.

Þjónustustig verslana var tekið fyrir í vikunni þar sem farið var með falda myndavél í nokkrar verslanir. Já ég hef svo sannarlega tekið eftir þessu sjálfur þar sem ég tók prufu í Kringlunni og í Smáralind fyrir námskeið sem ég var þá að vinna að. Mér hreinlega brá ef það var yrt á mig í heitustu tískuvöruverslunum. Ég fékk það á tilfinninguna að starfsfólkið væri ráðið inn vegna útlits frekar en þjónustulund. Í sumum verslunum er starfsfólkið eins og gínurnar í gluggunum. En að sjálfsögðu er þetta ekki á einn veg sem betur fer, en ég hugsa að margt afgreiðslufólk á Íslandi væri rekið eftir einn í verslun í Bandaríkjunum. Þett snýst nefnilega ekki um það að vera í flottustu fötunum í von um að vekja athygli og kannski fá símanúmer eða samsvörun á Tinder, fólk vill í flestum tilfellum afgreiðslu þegar það kemur í verslanir.

Jæja ég og Icehot1 ætlum að eyða helginni saman á landsfundi og förum ekki leynt með það.