40 leituðu tveggja villtra
![Place_595_1___Medium](https://i0.wp.com/www.sudurnes.net/wp-content/uploads/2020/05/Place_595_1___Medium.jpg?resize=300%2C200)
Björgunarsveitir á Suðurnesjum voru kallaðar út um klukkan átta í kvöld vegna tveggja einstaklinga sem voru villtir í þoku. Símasamband var við fólkið og náði það að lokum að komast af sjálfsdáðum að bíl sínum um klukkan hálf níu. Hafði það þá verið villt í 4-5 klst. Frá þessu er greint á vef mbl.is.
Er einn hópur björgunarfólks með fólkinu á heimleið, en alls tóku um 40 björgunarmenn þátt í leitinni. Samkvæmt upplýsingum frá Landsbjörg var fólkið statt í grennd við Trölladyngju og Keili.