Nýjast á Local Suðurnes

Tekinn á tæplega 140 km hraða á Reykjanesbraut

Tíu ökumenn voru kærðir fyrir hraðakstur í umdæmi lögreglunnar á Suðurnesjum um helgina. Sá sem hraðast ók mældist á 138 km. hraða á Reykjanesbraut þar sem hámarkshraði er 90. km. á klukkustund.

Annar ökumaður mældist á 102 km. hraða, einnig á Reykjanesbraut, á kafla þar sem hámarkshraðinn er 70 km. á klukkustund. Þá voru fáeinir ökumenn staðnir að því að virða ekki stöðvunarskyldu og einn ók sviptur ökuréttindum.