Stöðvuðu kannabisræktun í heimahúsi – Lögðu hald á plöntur og ræktunarbúnað
![kannabis logreglan](https://i0.wp.com/www.sudurnes.net/wp-content/uploads/2016/01/kannabis-logreglan1.jpg?resize=620%2C264)
Lögreglan á Suðurnesjum stöðvaði kannabisræktun í íbúðarhúsnæði í umdæminu í fyrradag. Mikinn kannabisfnyk lagði frá húsnæðinu þegar lögreglumenn bar þar að. Í tveimur afstúkuðum hólfum fundust tæplega 70 kannabisplöntur og ræktunarbúnaður. Umráðamaður húsnæðisins var handtekinn og færður á lögreglustöð. Hann játaði að hafa staðið að ræktuninni.
Lögreglan minnir á fíkniefnasímann 800-500. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.