Þríburar úr Grindavík í landsliði – “Líklega í fyrsta sinn í sögu KKÍ sem það gerist”

Mynd: Grindavík.is

Átján leikmenn af Suðurnesjum voru valdir í U16 og U18 landslið Íslands í körfuknattleik, en þjálfarar liða drengja og stúlkna hafa valið sín 12 manna landslið fyrir verkefni sumarsins. Þjálfararnir boðuðu til sín æfingahópa um jól og áramót og hafa fylgst með leikmönnum í leikjum og á fjölliðamótum í vetur og hafa nú valið sín endanleg lið fyrir verkefnin framundan.

Liðin fjögur í U16 og U18 drengja og stúlkna fara öll á NM í Finnlandi í lok júní og síðan hvert og eitt í Evrópukeppni FIBA í sínum aldursflokki síðar í sumar.

Æfingar liðanna hefjast eftir að úrslitum yngri flokka á íslandsmótinu lýkur, sem fram fara um miðjan maí og munu þjálfarar boða sína leikmenn til þeirra þegar nær dregur.

Þríburar úr Grindavík voru valdar í U16 lið stúlkna og er það líklega í fyrsta sinn sem það gerist í sögu KKÍ, segir í tilkynningu, en um er að ræða þær Önnu Margréti Lucic Jónsdóttur, Natalíu Jenný Lucic Jónsdóttur og Theu Ólafíu Lucic Jónsdóttur.

Leikmenn U16 og U18 liðanna koma frá eftirtöldum félögum:
Breiðablik 2
Fjölnir 1
Grindavík 6
Hamar 2
Haukar 2
ÍR 3
Keflavík 8
KR 6
Njarðvík 4
Skallagrímur 1
Stjarnan 4
Valur 4
Vestri 2
Þór Akureyri 2
Þór Þorlákshöfn 1

Landsliðin eru skipuð eftirtöldum leikmönnum:

U15 liðin verða tilkynnt 25. apríl og U20 æfingahópar karla og kvenna á næstu dögum.