Keflvíkingar bikarmeistarar eftir sigur á Njarðvíkingum
Keflvíkingar eru bikarmeistarar kvenna eftir 11 stiga sigur á nágrönnum sínum í Njarðvík. Lokatölur leiksins urðu 74-63, en Njarðvíkingar veittu Keflvíkingum verðuga keppni í dag.
Keflvíkingar voru yfir nær allan fyrri hálfleikinn, en Njarðvíkingar voru þó aldrei langt á eftir og náðu jafnaði metin fyrir leikhlé og var staðan 35-35 þegar fyrri hálfleikur var flautaður af.
Keflvíkingar héldu áfram að hafa frumkvæðið í síðari hálfleiknum en gekk þó erfiðlega að stinga baráttuglaða granna sína af. Frábær kafl í Keflvíkinga þegar rúmar tvær mínútur voru eftir af leiknum gulltryggði svo sigurinn.
Embla Kristínardóttir var frábær í liði Keflavíkur en hún setti niður 20 stig ásamt því að taka 6 fráköst og gefa 2 stoðsendingar. Þá voru Brittanny Dinkins og Thelma Dís Ágústsdóttir með 16 stig hvor. Brittanny tók einnig 11 fráköst og gaf 8 stoðsendingar á meðan Thelma Dís tók 9 fráköst og gaf 5 stoðsendingar.
Hjá Njarðvík var Shalonda R. Winton allt í öllu sóknarlega en hún setti 37 stig í dag ásamt því að taka heil 23 fráköst. Næst stigahæst í liði Njarðvíkur var Erna Freydís Traustadóttir en hún setti 7 stig í leiknum.