Jóhann og Daníel taka við af Sverri Þór í Grindavík
![körfubolti](https://i2.wp.com/www.sudurnes.net/wp-content/uploads/2015/06/körfubolti.jpg?resize=620%2C264)
Daníel Guðni Guðmundsson er tekinn við þjálfun bikarmeistara Grindavíkur í körfubolta kvenna. Þetta kemur fram á Karfan.is. Daníel er að þreyta frumraun sína í meistaraflokksþjálfun en hann hefur leikið með karlaliði Grindavíkur undanfarin ár.
Daníel tekur við þjálfarastarfinu af Sverri Þór Sverrissyni sem stýrði Grindavíkurliðinu í fyrra og gerði það að bikarmeisturum.
Bæði karla- og kvennalið Grindavíkur tefla því fram nýliðum í þjálfarastarfinu næsta vetur en Jóhann Ólafsson er tekinn við karlaliðinu, einnig af Sverri.