Vogaútkall lögreglu blásið upp að óþörfu

Lögreglan á Suðurnesjum segir að mál sem upp kom í Vogum í gær sé mannlegur harmleikur og taldi að það hefði verið blásið upp að óþörfu.

Þetta kemur fram á vef Mannlífs, en þar segir jafnframt að lögregl hafi að öðru leyti ekki viljað tjá sig um málið.

Greint var frá því í fjölmiðlum í gær að mikill viðbúnaður lögreglu væri í Vogum og að sögn ljósmyndara mbl.is leit út fyrir að lögreglan væri að leita að einhverju.