Tekinn á fleygiferð á Grindavíkurvegi
![hradi hradamaelir](https://i2.wp.com/www.sudurnes.net/wp-content/uploads/2016/04/speedometer-653246_1280.jpg?resize=620%2C264)
Lögreglan á Suðurnesjum stöðvaði ökumann um helgina sem hafði ekið á 122 km hraða á Grindavíkurvegi þar sem hámarkshraði er 90 km/klst.
Lögreglan stöðvaði einnig ökumenn vegna gruns um akstur undir áhrifum ölvunar og/eða fíkniefna, segir í tilkynningu.
Einn þeirra viðurkenndi að hafa neytt fíkniefna og var hann með fíkniefni á sér. Farþegi í bifreiðinni var einnig handtekinn, grunaður um fíkniefnamisferli.