Skólar og stofnanir lokaðar á fimmtudag

Ljósmynd: Reykjanesbær.is / OZZO

Vegna óveðurs sem nú gengur yfir landið og rauðra viðvarana í fyrramálið verða eftirfarandi stofnanir Reykjanesbæjar lokaðar til kl. 13.00 á morgun, fimmtudaginn 6. febrúar.

• Grunn- og leikskólar
• Tónlistarskólinn
• Fjörheimar
• Sundlaugar og íþróttamannvirki
• Bókasafn við Tjarnargötu og í Stapaskóla
• Duus safnahús
• Þjónustuver Reykjanesbæjar
• Hæfingastöðin
• Björgin
• Skjólið
• Dagdvöl aldraðar í Selinu og Nesvöllum
• Þjónustumiðstöðin á Nesvöllum

Þetta kemur fram í tilkynningu frá sveitarfélaginu, en þar eru íbúar hvattir til að fara varlega og vera ekki á ferðinni að óþörfu, fylgjast vel með veðurspá og tilkynningum frá Veðurstofu.