Samkaup og Simmi elda gott
Samkaup, í samstarfi við Sigmar Vilhjálmsson, hefur stofnað fyrirtækið Eldum Gott ehf, félagið er í meirihlutaeigu Samkaupa til móts við Sigmar.
Þetta kemur fram í tilkynningu frá Samkaupum.
Hlutverk Eldum Gott verður að þróa og breikka vörulínu Samkaupa með áherslu á tilbúna rétti, rétti sem hægt er að fullelda heima og á ferskvöru. Sérstök áhersla verður á vörur sem framleiddar eru undir eigin vörumerkjum Samkaupa sem eru sérframleidd fyrir Nettó, Kjörbúðina og Krambúðina. Gæðaeftirlit, nýsköpun og þróun á tilbúnum réttum verður meginverkefni næstu mánaða ásamt því að þróa frekar veitingasölu í verslunum Samkaupa víðsvegar um landið, segir í tilkynningunni.