Samdráttur í flugi á KEF jafnast á við umsvif WOW-air

Mynd: Friðrik Friðriksson

Áætlunarferðum frá Keflavíkurflugvelli í febrúar síðastliðnum fækkaði um fjórðung miðað við sama tímabil í fyrra, en það jafnast á við umsvif WOW-air á þeim tíma.

Þetta kemur fram á stærsta ferðavef landsins, túristi.is en þar er greint frá því að WOW air hafi staðið fyrir rétt um fjögur hundruð brottförum frá flugvellinum í febrúar í fyrra, samkvæmt talningu túrista. Í nýliðnum febrúar fækkaði svo áætlunarferðunum frá Keflavíkurflugvelli um nærri nákvæmlega sömu tölu samkvæmt talningum Túrista. Hlutfallslega nam samdrátturinn um fjórðungi sem jafngildir vægi WOW air í umferðinni um flugvöllinn í febrúar í fyrra.