Rýma gossvæði – Fólk sem hlítir ekki tilmælum verður eftir á eigin ábyrgð
Unnið er að rýmingu á gossvæðinu í Fagradalsfjalli þar sem gasmengun er talin í þann mund að verða lífshættuleg vegna breyttrar vindáttar.
Á þriðja tug lögreglu- og björgunarsveitarmanna eru þar að störfum samkvæmt frétt á vef mbl.is. Svæðið á að vera mannlaust um klukkan 19 í kvöld og hefur mbl.is eftir lögreglu að hver sá sem hlíti ekki tilmælum um að yfirgefa svæðið verði eftir á eigin ábyrgð.