Reykjanesbær auglýsir eftir markaðsstjóra
Reykjanesbær hefur auglýst stöðu markaðsstjóra lausa til umsóknar. Um fullt starf er að ræða, en þó með sveigjanlegum vinnutíma þar sem búast má við tímabundnum sveiflum í starfi.
Markaðsstjóri hefur umsjón með markaðsmálum sveitarfélagsins. Hann sér til þess að markaðsefni sé samræmt, að faglegt yfirbragð sé til staðar á öllu sendu markaðsefni og finnur leiðir til að efla ímynd svæðisins með markvissum markaðsaðgerðum, segir í auglýsingu á vef sveitarfélagsins.
Um fullt starf er að ræða. Vinnutími markaðsstjóra er sveigjanlegur og búast má við tímabundnum sveiflum í starfi. Starfið heyrir undir menningar- og þjónustusvið sem starfar þvert á önnur svið bæjarins. Launakjör eru í samræmi við samning Sambands íslenskra sveitarfélaga og viðeigandi stéttarfélags.
Helstu verkefni:
- Vinnur að og ber ábyrgð á markaðssetningu og jákvæðri ímynd Reykjanesbæjar
- Framkvæmd og eftirfylgni á aðgerðaráætlun markaðsstefnunnar
- Utanumhald og eftirfylgni verkefna
- Hefur yfirumsjón með öllu kynningarefni sveitarfélagsins og samræmingu þess
- Samskipti við hagsmunaaðila, t.d. hönnuði, starfsfólk Reykjanesbæjar, félög og fyrirtæki
- Miðlar áfram jákvæðum fréttum svæðisins á miðlum sveitarfélagsins
- Gerð og eftirfylgni á starfs- og fjárhagsáætlun markaðsmála
- Önnur tilfallandi verkefni