Play að verða klárt í að taka flugið
Lággjaldaflugfélagið Play bíður nú átekta með að taka fyrstu flugvélina í notkun. Ef flugbransinn væri í eðlilegum rekstri gæti félagið tekið til starfa nú þegar.
Play hefur samkvæmt heimildum Túrista.is svigrúm til að skala sig upp hratt því aðstæður á flugmarkaði í dag eru þannig að félagið getur fengið nokkurn fjölda nýlegra Airbus A320 Neo með tiltölulega litlum fyrirvara.
Þrálátur orðrómur hefur verið á meðal manna sem vel eru tengdir í flugheiminum að flugfélagið hafi þegar tryggt sér tvær vélar og að sú fyrri komi hingað til lands vegna þjálfunar flugmanna í byrjun maí og sú síðari um mánuði seinna. Þetta hefur þó ekki verið staðfest.