Píratar kynna fimm efstu á lista fyrir sveitarstjórnarkosningar
Þórólfur Júlían Dagsson mun leiða lista Pírata í Reykjanesbæ fyrir komandi sveitarstjórnarkosningar í maí. Ein kona er á meðal fimm efstu á listanum.
Í öðru sæti listans er Hrafnkell Brimar Hallmundsson, Margrét Sigrún Þórólfsdóttir skipar þriðja sætið og Guðmundur Arnar Guðmundsson er í því fjórða. Þá er Jón Páll Garðarsson í fimmta sæti listans.
Listi flokksins í heild sinni verður kynntur eftir páska.