Nemendur við Fisktækniskólann fengu veglega styrki
Tveir nemendur Fisktækniskóla Íslands, í Grindavík, fengu í gær afhenta styrki upp á fimm hundruð þúsund krónur hvor frá Íslensku sjávarútvegssýningunni. Styrkirnir voru afhentir við athöfn í Sjávarklasanum.
Styrkhafarnir að þessu sinni voru þau Jóhanna Sigurlaug Eiríksdóttir, þrítug frá Sauðárkróki, sem er að sérhæfa sig í gæðastjórnun innan fiskiðnaðarins, og hins vegar Hallgrímur Jónsson, 22 ára gamall Grindvíkingur, sem sérhæfir sig í Marelvinnslutækni.
Íslensku sjávarútvegsverðlaunin voru fyrst veitt árið 1999, og eru veitt árlega, einstaklingum sem leggja stund á framhaldsnám í gæðastjórnun, fiskirækt eða Marelvinnslutækni við Fisktækniskóla Íslands.