Mikið hvassviðri framundan og vegir á óvissustig

Veðurstofa Íslands hefur gefið út appelsínugular viðvaranir í dag fyrir allt landið. Margir vegir eru á óvissustigi og gætu lokað með stuttum fyrirvara, þar á meðal Reykjanesbraut, en óvissustig þar tekur gildi klukkan 13 í dag.

Gert er ráð fyrir sunnan og suðvestan 23-30 m/s og hviður yfir 35 m/s, en heldur hægari um tíma um kvöldið. Þá er gert ráð fyrir að rigning verði talsverð um tíma. Foktjón og raskanir á samgöngum líklegar og ekkert ferðaveður, segir á vef Veðurstofu.