Margir hafa samband við HSS varðandi sýnatökur – Þetta þarftu að vita!
![hss](https://i1.wp.com/www.sudurnes.net/wp-content/uploads/2017/03/hss.jpg?resize=620%2C264)
Margir hafa haft samband við HSS og vaktsímann 1700 og spurt um sýnatökur vegna COVID-19 og telur stofnunin því rétt að taka eftirfarandi fram:
Fyrst þarf að taka fram að ákvörðun um sýnatöku hjá HSS er ávallt háð mati læknis/hjúkrunarfræðings.
Í annan stað, býður Íslensk Erfðagreining upp á skimun og er bókunarsíða fyrirtækisins aðgengileg hér: https://bokun.rannsokn.is
HSS og aðrar heilsugæslustöðvar vinna eftir eftirfarandi viðmiðum:
Þeir sem fara í sýnatöku eru einstaklingar með einkenni (hita ≥ 38,5°C, hósta og beinverki) sem:
• Koma frá áhættusvæðum.
• Eru í sóttkví.
• Eru í áhættuhópi sem er í aukinni áhættu fyrir alvarlegar sýkingar.
• Heilbrigðisstarfsmenn sem sinna viðkvæmri þjónustu.
Hringið endilega í HSS í síma 422-0500 og fáið samband við heilbrigðisstarfsfólk sem metur hvert tilfelli fyrir sig og forgangsraðar í sýnatökur.
Íbúar á Suðurnesjum eru hvattir til að fylgja HSS á Facebook til að fá tilkynningar og fréttir úr starfi stofnunarinnar.