Hundrað þúsund kall í sekt fyrir hraðakstur
![logreglan bill](https://i2.wp.com/www.sudurnes.net/wp-content/uploads/2015/08/logreglan-bill1.jpg?resize=620%2C264)
Lögreglan á Suðurnesjum kærði vel á annan tug ökumanna fyrir hraðakstur um helgina. Sá sem hraðast ók var á ferðinni eftir Reykjanesbraut. Hann mældist á 151 km hraða þar sem hámarkshraði er 90 km á klukkustund. Í tilkynningu frá lögreglu kemur fram að brotið hafi kostað ökumanninn 97.500 krónur.
Þá voru lögreglumenn duglegir við að fjarlægja skráningarnúmer af bifreiðum sem voru ýmist óskoðaðar eða ótryggðar.