Fartölvu stolið úr Keflavíkurkirkju

Þjófnaður úr Keflavíkurkirkju var nýverið tilkynntur til lögreglunnar á Suðurnesjum. Þaðan var saknað fartölvu og skjávarpa sem höfðu verið geymd á skrifstofu í kirkjubyggingunni.

Þegar gengið hafði verið úr skugga um að enginn af starfsmönnum kirkjunnar hafði tekið tækin til handagagns var ljóst að þarna höfðu óprúttnir aðilar verið á ferð og látið greipar sópa. Lögreglan rannsakar málið.