Annar hvellur væntanlegur – Lögreglan þurfti að eltast við nokkur trampólín í gær

Gert er ráð fyrir að vindur fari yfir 20 m/s í nótt og fyrramálið.

Í fyrra­málið kann að verða ástæða fyr­ir for­ráðamenn til að fylgja ung­um börn­um í skól­ann þar sem önn­ur kröpp lægð er á leið yfir landið sunn­an- og vest­an­vert árla morg­uns. Á þess­um landsvæðum fóru lík­lega fáir  var­hluta af hama­gang­in­um sem fylgdi lægðinni síðastliðna nótt. Þetta kem­ur fram í til­kynn­ingu frá tryggingafélaginu VÍS.

Þar er haft eft­ir Ein­ari Svein­björns­syni hjá Veður­vakt­inni að vind­styrk­ur­inn verði litlu minni nú og vind­átt­in svipuð.

„Í nótt og í fyrra­málið er spáð öðrum hvelli þegar ný lægð fer hratt nokk­urn veg­inn í sömu slóð og hin fyrri. Það hvess­ir suðvest­an­lands skömmu fyr­ir miðnætti en all­ar lík­ur eru á að veðurhæð verði ekki al­veg jafn mik­il og síðustu nótt. Nú er spáð allt að 23 m/​s meðal­vindi í stað 25 m/​s í gær. Á móti kem­ur að veðrið nær senni­lega há­marki um fóta­ferðar­tíma í fyrra­málið eða á milli klukk­an 6 og 8 og geta hviður farið í 30-35 m/​s. Upp frá því læg­ir held­ur á Suður­nesj­um og höfuðborg­ar­svæðinu en á Snæ­fellsnesi verður hins veg­ar storm­ur fram á dag­inn,“ seg­ir Ein­ar í til­kynn­ing­unni.

Lögreglan á Suðurnesjum þurfti að eltast við nokkur trampólín síðastliðna nótt en þar á bæ hafa menn smá húmor fyrir þessu, eins og kemur fram á Facebook-síðu Lögreglustjórans á Suðurnesjum, en þar segir:

Sá sem þetta ritar var á næturvakt síðastliðna nótt og lentum við félagarnir í talsverðum vandræðum með trampólín sem ekki var búið að tjóðra. Ekki eitt heldur 5 stk. Vinsamlegast takið mark á þessum aðvörunum og virðum eigur náungans því trampólínið “þitt” fýkur ekki bara í þínum garði. En eitt svona trampólíð getur skemmt alveg gríðarlega mikið.

Bætum hér við smá húmor með þessu:)