Sigrar hjá Keflavík og Njarðvík – Tap hjá Grindavík
Keflvíkingar unnu stórsigur á Fjölni í Domino’s deildinni í körfuknattleik í kvöld, 118-73. Callum Lawson skoraði 35 stig fyrir Keflvíkinga í kvöld og Dominykas Milka 25.
Njarðvíkingar gerðu góða ferð í Hafnarfjörðinn og lögðu Hauka að velli með 87 stigum gegn 76. Kristinn Pálsson skoraði 15 stig fyrir Njarðvík og Logi Gunnarsson 14.
Í Grindavík tóku heimamenn á móti ÍR-ingum en gekk ekki sem skyldi. Grindvíkingar töpuðu með átta stiga mun, 90-82. Sigtryggur Arnar Björnsson hefur verið á fínu skriði undanfarið og á því varð engin breyting í kvöld en hann setti 27 stig fyrir Grindavík og Seth Le Day 16.