Öruggur Stjörnusigur í Njarðvík – Oddaleikur í Garðabæ
Njarðvík tapaði gegn Stjörnunni í fjórða leik liðanna í 8-liða úrslitum Dominos-deildarinnar í körfuknattleik í gærkvöldi, 83-68. Með sigrinum náðu Stjörnumenn að jafna stöðuna í einvígi liðanna í 2-2, en oddaleikur liðanna fer fram á fimmtudag í Garðabæ.
Gestirnir úr Garðabæ voru með fín tök á leiknum frá upphafi og áttu Njarðvíkingar fá svör við flottum varnarleik liðsins. Þegar fyrri hálfleik var lokið höfðu Stjörnumenn sjö stiga forystu, 33-40.
Síðari hálfleikur var á svipuðum nótum, gestirnir úr Garðabæ með forystu sem heimamenn reyndu að minnka, en alltaf þegar þeir nálguðust þá gáfu Stjörnumenn í. Njarðvík náði að minnka muninn niður í fjögur stig en sem fyrr gáfu Stjörnumenn í og höfðu að lokum öruggan sigur, 68-83.
Oddur Rúnar Kristjánsson skoraði 18 stig fyrir heimamenn, Jeremy Martez Atkinson 17 og Haukur Helgi Pálsson 13. Logi Gunnarsson kom inn í lið Njarðvíkur á ný eftir að hafa verið frá vegna handarbrots og skoraði 7 stig.