Heppnissigur hjá Njarðvík gegn nýliðum Vals
Njarðvíkingar tóku á móti nýliðum Vals í Ljónagryfjunni í kvöld, í 5. umferð Dominos-deildar karla í körfuknattleik. Njarðvíkingar geta talist heppnir að hafa lagt Valsmenn að velli, því þeir síðarnefndu voru betri aðilinn í leiknum, leiddu nær allan tímann og voru yfir þegar um 15 sekúndur voru eftir, en Njarðvíkingar voru sterkari á lokametrunum, lokatölur 86-83.
Terrell Vinson skoraði 26 stig og tók 19 fráköst, Maciek Stanislav Baginski skoraði 17 stig og Ragnar Nathanaelsson skoraði 14 stig, tók 14 fráköst og átti 6 varin skot.