Hallgrímur hættir hjá Njarðvík – Ragnar tekur við kvennaliðinu
![korfub](https://i2.wp.com/www.sudurnes.net/wp-content/uploads/2018/01/korfub.jpg?resize=620%2C264)
Körfuknattleiksdeild Njarðvíkur og Hallgrímur Brynjólfsson þjálfari kvennaliðsins hafa komist að samkomulagi um það að Hallgrímur stígi til hliðar sem þjálfari liðsins. Hallgrímur tók við þjálfun liðsins í byrjun vetrar og náði að komast með liðið í undanúrslit bikarkeppninnar. Liðið vann þó engan leik undir stjórn Hallgríms í Dominos-deildinni.
Árangur liðsins hefur því verið undir væntingum bæði stjórnar og þjálfarans, segir í tilkynningu frá Njarðvík, og var það hugur beggja aðila að tími væri komin á að slíta samstarfinu.
Ragnar Halldór Ragnarsson mun stýra liðinu til loka tímabils í það minnsta en Ragnar var aðstoðarþjálfari liðsins á síðasta tímabili.