Fáir Suðurnesjamenn í æfingahóp karlalandsliðsins í körfuknattleik

Körfuknattleikssamband Íslands kynnti æfingahóp A-landsliðs karla sem æfa mun fyrir Eurobasket 2015 sem haldið verður í september næstkomandi, þetta kemur fram á Karfan.is.

Einnig var kynnt dagskráin hjá liðinu næstu daga en það mun spila tvo æfingaleiki við hollenska landsliðið í byrjun ágúst og taka þátt í æfingamótum í Eistlandi og Póllandi í seinni hluta mánaðarins.  Dagskrána og landsliðshópinn má finna hér fyrir neðan.

Athygli vekur að Elvar Már Friðriksson er skráður í hópinn en hann hefur lýst því yfir að hann myndi ekki gefa kost á sér vegna anna í skóla, en hann skipti um skóla í Bandaríkjunum nýlega.

Landsliðshópurinn:

• Axel Kárason – Svendborg Rabbits, Danmörk
• Brynjar Þór Björnsson – KR
• Darri Hilmarsson – KR
• Elvar Már Friðriksson – Barry University USA / Njarðvík
• Emil Barja – Haukar
• Finnur Atli Magnússon – KR
• Haukur Helgi Pálsson – LF Basket, Svíþjóð
• Helgi Már Magnússon – KR · Framherji
• Hlynur Bæringsson – Sundsvall Dragons, Svíþjóð
• Hörður Axel Vilhjálmsson – Mitteldeutscher BC, Þýskaland
• Jakob Örn Sigurðarson – Boras Basket, Svíþjóð
• Jón Arnór Stefánsson – Unicaja Malaga, Spánn
• Kristófer Acox – Furman University USA / KR
• Logi Gunnarsson – Njarðvík
• Martin Hermannsson – LIU University USA / KR
• Ólafur Ólafsson – Grindavík
• Pavel Ermolinskij – KR
• Ragnar Ágúst Nathanaelsson – Sundsvall Dragons
• Sigurður Ágúst Þorvaldsson – Snæfell
• Sigurður Gunnar Þorsteinsson – Solna Vikings, Svíþjóð
• Ægir Þór Steinarsson – Sundsvall Dragons, Svíþjóð

Dagskrá landsliðsins:

Ágúst:

7. ágúst föstudagur Ísland – Holland í Þorlákshöfn kl. 19.15

9. ágúst sunnudagur Ísland – Holland í Laugardalshöll kl. 16.00

Æfingamót í Eistlandi 20.-22. ágúst · Eistland, Ísrael, Holland

Æfingamót í Póllandi 28.-31. ágúst · Pólland, Belgía, Líbanon

September:

EuroBasket 2015 · 5.-10. sept. (riðlakeppni) Þýskaland, Ítalía, Serbía, Spánn, Tyrkland