Fundu meint fíkniefni og umtalsverða fjárhæð í reiðufé við húsleit
![logreglustod keflavik](https://i2.wp.com/www.sudurnes.net/wp-content/uploads/2015/08/logreglustod-keflavik.jpg?resize=620%2C264)
Lögreglan á Suðurnesjum handtók um síðustu helgi grunaðan fíkniefnasala og haldlagði meint fíkniefni og landa á heimili hans, að fenginni leitarheimild. Við öryggisleit á manninum fannst umtalsverð fjárhæð í reiðufé.
Þegar umræddur einstaklingur var færður á lögreglustöð kom í ljós við sýnatökur að hann hafði neytt metamfetamíns, MDMA og kannabisefna. Hann var yfirheyrður með aðstoð túlks og látinn laus að því loknu.
Lögreglan minnir á fíkniefnasímann 800-500. Í hann má hringja til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.