Tekinn fullur á lyftara
Nokkrir ökumenn hafa verið teknir úr umferð í umdæmi lögreglunnar á Suðurnesjum á síðustu dögum vegna gruns um vímuefnaakstur. Þeirra á meðal var starfsmaður fyrirtækis sem var við vinnu á lyftara þegar lögreglumenn bar að garði.
Maðurinn var handtekinn og fluttur á lögreglustöð þar sem sýnatökur fóru fram, að því er fram kemur í tilkynningu frá lögreglu.
Meðal annarra sem grunaðir voru um vímuefnaakstur var ökumaður sem ók sviptur ökuréttindum.