Nýjast á Local Suðurnes

Suðurnesjamaður setur strik í reikninginn hjá Eyjastúlkum

Kvennalið ÍBV í knattspyrnu missir mikilvægan hlekk úr vörninni á næsta tímabili, en bandaríski varnarmaðurinn Natasha Anasi, sem leikið hefur með liðinu undanfarin þrjú tímabil er ólétt og á von á barni í júní með unnusta sínum, Suðurnesjamanninum Rúnari Inga Erlingssyni.

Það má segja að Rúnar Ingi, sem hefur í gegnum tíðina verið liðtækur körfuknattleiksmaður og meðal annars leikið með Njarðvíkingum, setji því strik í reikninginn hvað varðar varnarvinnu Eyjastúlkna á næsta tímabili.

Ian Jeffs, þjálfari kvennaliðs ÍBV, segir Anasi verða sárt saknað, en það sé lítið sem hann geti gert í þessu máli annað en að finna annan leikmann.

„Hún var ein af bestu leikmönnum deildarinnar í fyrra og var frábær fyrir okkur. Þar voðalega lítið sem ég get gert í þessu. Hennar verður sárt saknað en við finnum annan leikmann í staðinn,” sagði þjálfarinn, í samtali við Fótbolta.net.