Njarðvíkingar sóttu þrjú stig á Selfoss
Njarðvík gerði góða ferð á Selfoss í dag og hafði þar betur gegn heimamönnum, 2-1, í 2. deild karla í knattspyrnu. Báðum liðum er spáð mjög góðu gengi í deildinni í ár og er því um afar mikilvæg stig að ræða fyrir Njarðvíkinga.
Atli Freyr Ottesen Pálsson og Kenneth Hogg skoruðu mörk Njarðvíkinga sitt hvoru megin við hálfleikinn.
Njarðvík er með sex stig eftir tvo leiki í deildinni.