Mikið álag á bráðamóttöku HSS
Mikið álag er á bráðamóttöku HSS um þessar mundir og er biðtími eftir þjónustu langur.
Þetta kemur fram í tilkynningu sem Heilbrigðisstofnun Suðurnesja sendi frá sér í kvöld. Í tilkynningunni segir að vegna mikils álags biðji forsvarsmenn bráðamóttökunnar fólk um að sýna starfsfólki biðlund, en auk þess er fólki bent á að leita frekar til heilsugæslunnar vegna almennra veikinda og langvinnra vandamála sem ekki fara versnandi.